వాట్సాప్లో స్కూల్ విద్యా సేవలు ప్రారంభించిన తెలంగాణ ప్రభుత్వం
హైదరాబాద్: విద్యార్థులు, తల్లిదండ్రులకు మరింత సులభంగా విద్యా సేవలు అందించేందుకు తెలంగాణ ప్రభుత్వం స్కూల్ ఎడ్యుకేషన్ సర్వీసెస్ను వాట్సాప్ ద్వారా ప్రారంభించింది. ఈ సేవల ద్వారా రాష్ట్రవ్యాప్తంగా 18 లక్షలకుపైగా విద్యార్థులు, వారి తల్లిదండ్రులు నేరుగా విద్యా సంబంధిత సమాచారం పొందగలరని ప్రభుత్వం తెలిపింది.
హైదరాబాద్లోని ఎల్బీ స్టేడియంలో నిర్వహించిన కార్యక్రమంలో గవర్నర్ శివప్రతాప్ శుక్లా, ముఖ్యమంత్రి రేవంత్ రెడ్డి ఈ సేవలను ప్రారంభించారు. విద్యార్థుల ప్రగతి నివేదికలు, హాల్ టికెట్లు, మార్కుల మెమోలు, బోనాఫైడ్ సర్టిఫికెట్లు, ట్రాన్స్ఫర్ సర్టిఫికెట్లు వంటి సేవలు ఇప్పటికే వాట్సాప్ ద్వారా అందుబాటులో ఉన్నాయని అధికారులు వెల్లడించారు.
తదుపరి దశలో విద్యార్థుల హాజరు, యూనిఫాంల పంపిణీ, పాఠ్యపుస్తకాల వివరాలు, స్కాలర్షిప్ సమాచారం, మధ్యాహ్న భోజన పథకం, ఆరోగ్య కార్యక్రమాలు, క్రీడలు మరియు ఇతర విద్యా కార్యక్రమాలకు సంబంధించిన వివరాలను కూడా ఈ ప్లాట్ఫారమ్ ద్వారా అందించనున్నట్లు ప్రభుత్వం తెలిపింది.
ఈ సేవలను ఉపయోగించుకోవడానికి విద్యార్థులు, తల్లిదండ్రులు మీసేవ వాట్సాప్ నంబర్ 80969 58096కు మెసేజ్ పంపితే సరిపోతుందని అధికారులు సూచించారు. ప్రజలకు ప్రభుత్వ సేవలను మరింత చేరువ చేయడంలో ఇది కీలక ముందడుగుగా ప్రభుత్వం పేర్కొంది.