మరో మూడు నెలలకు అప్పుల క్యాలెండర్ విడుదల.. రూ.27 వేల కోట్ల రుణాల లక్ష్యం
అమరావతి: ఆంధ్రప్రదేశ్ ప్రభుత్వం రానున్న మూడు నెలల కోసం కొత్త అప్పుల క్యాలెండర్ను విడుదల చేసింది. ఏప్రిల్–జూన్ త్రైమాసికంలో మొత్తం రూ.27,000 కోట్ల బడ్జెట్ రుణాలు సమీకరించాలని ప్రభుత్వం నిర్ణయించినట్లు రిజర్వ్ బ్యాంక్ ఆఫ్ ఇండియా (RBI) విడుదల చేసిన షెడ్యూల్లో వెల్లడైంది.
అప్పుల క్యాలెండర్ ప్రకారం ప్రతి నెలా సుమారు రూ.9,000 కోట్ల చొప్పున రుణాలు తీసుకోనున్నారు. ఇందులో భాగంగా నిర్ణయించిన తేదీల్లో ప్రభుత్వ సెక్యూరిటీల వేలం ద్వారా నిధులు సమీకరించనున్నట్లు సమాచారం. అదనంగా, ఏపీ పవర్ ఫైనాన్స్ కార్పొరేషన్ ద్వారా మరో రూ.2,000 కోట్ల టర్మ్ లోన్ కోసం కూడా ప్రభుత్వ గ్యారంటీ ఇచ్చినట్లు తెలుస్తోంది.
ఈ అప్పుల క్యాలెండర్పై రాజకీయ విమర్శలు కూడా వెల్లువెత్తుతున్నాయి. ఎన్నికల హామీల అమలుపై స్పష్టమైన కార్యాచరణ ప్రకటించకుండా వరుసగా అప్పులు పెంచుతున్నారంటూ ప్రతిపక్షాలు ఆరోపిస్తున్నాయి. మరోవైపు, అభివృద్ధి కార్యక్రమాలు, సంక్షేమ పథకాల కోసం అవసరమైన నిధుల సమీకరణలో భాగంగానే ఈ రుణాలు తీసుకుంటున్నామని ప్రభుత్వం వివరిస్తోంది.