ఓటీటీలోకి ‘పెద్ది’.. స్ట్రీమింగ్ తేదీ ఖరారు, హిందీ వెర్షన్కు మరికొంత నిరీక్షణ
హైదరాబాద్: గ్లోబల్ స్టార్ రామ్ చరణ్ హీరోగా దర్శకుడు బుచ్చిబాబు సాన తెరకెక్కించిన స్పోర్ట్స్ డ్రామా ‘పెద్ది’ థియేటర్లలో ఘన విజయం సాధించిన తర్వాత ఇప్పుడు డిజిటల్ ప్రేక్షకులను అలరించేందుకు సిద్ధమైంది. ప్రపంచవ్యాప్తంగా రూ.400 కోట్లకు పైగా వసూళ్లు సాధించిన ఈ చిత్రం త్వరలో ఓటీటీ వేదికపై అందుబాటులోకి రానుంది.
తాజా సమాచారం ప్రకారం, నెట్ఫ్లిక్స్లో జూలై 2 నుంచి ‘పెద్ది’ స్ట్రీమింగ్ కానుంది. తొలి దశలో తెలుగు, తమిళం, కన్నడ, మలయాళ భాషల్లో సినిమా అందుబాటులోకి రానుండగా, హిందీ వెర్షన్ మాత్రం కొంత ఆలస్యంగా విడుదల కానుంది.
బాలీవుడ్ థియేట్రికల్ విడుదల నిబంధనల కారణంగా హిందీ వెర్షన్ను ఎనిమిది వారాల తర్వాత మాత్రమే ఓటీటీలో విడుదల చేయనున్నారు. దీంతో ఉత్తర భారత ప్రేక్షకులు జూలై చివరి వారంలో లేదా ఆ తర్వాత హిందీ వెర్షన్ను వీక్షించే అవకాశం ఉందని సినీ వర్గాలు చెబుతున్నాయి.
‘పెద్ది’లో రామ్ చరణ్తో పాటు జాన్వీ కపూర్, శివరాజ్కుమార్, జగపతిబాబు, బొమన్ ఇరానీ, దివ్యేందు శర్మ కీలక పాత్రలు పోషించారు. గ్రామీణ నేపథ్యంలో సాగే ఈ స్పోర్ట్స్ డ్రామా థియేటర్లలో మంచి ఆదరణ పొందగా, ఓటీటీలో కూడా అదే స్థాయిలో ప్రేక్షకులను ఆకట్టుకుంటుందనే అంచనాలు వ్యక్తమవుతున్నాయి.